सोमवारी इंडियन प्रीमियर लीग (IPL 2023) च्या 34 व्या सामन्यात, दिल्ली कॅपिटल्स (DC) ने त्यांच्या घरच्या मैदानावर एका रोमांचक सामन्यात सनरायझर्स हैदराबाद (SRH) चा 7 धावांनी पराभव केला. दिल्ली कॅपिटल्सने सनरायझर्स हैदराबादचा पराभव करून IPL 2023 मध्ये सलग दुसरा विजय नोंदवला.
हैदराबाद संघाला 145 धावांचे लक्ष्य गाठता आले नाही. प्रथम फलंदाजी करताना दिल्लीने निर्धारित 20 षटकांत 9 गडी गमावून 144 धावा केल्या. दिल्ली कॅपिटल्सकडून मनीष पांडे आणि अक्षर पटेल यांनी 34-34 धावा केल्या. या दोघांशिवाय कर्णधार डेव्हिड वॉर्नरने २१ धावा केल्या. आयपीएल 2023 मधील हैदराबादचा हा सलग तिसरा पराभव आहे.
त्याचवेळी प्रत्युत्तरात हैदराबादची सुरुवातही चांगली झाली नाही. हॅरी ब्रूक पुन्हा अपयशी ठरला आणि 7 धावा करून बाद झाला. मयंक अग्रवालचाही एक झेल सुटला आणि या लाइफलाइनचा फायदा घेत त्याने 49 धावांची खेळी खेळली. पॉवर-प्लेमध्ये हैदराबादने 1 गडी गमावून 36 धावा केल्या, परंतु त्यानंतर संघाने ठराविक अंतराने विकेट गमावल्या. त्यामुळे संघ दडपणाखाली आला आणि संघाला सामना गमवावा लागला.
दिल्ली कॅपिटल्सच्या या विजयानंतर चाहते आपापल्या पद्धतीने प्रतिक्रिया देत आहेत. चला आता मॅचच्या टॉप-10 ट्रेंडिंग मीम्सवर एक नजर टाकूया-
संबंधित बातम्या