रॉयल चॅलेंजर्स बंगलोर (RCB) ने शेवटच्या षटकात झालेल्या रोमांचक सामन्यात राजस्थान रॉयल्सचा (RR) 7 धावांनी पराभव केला. आरसीबीने राजस्थानसमोर विजयासाठी 190 धावांचे आव्हान ठेवले होते, मात्र राजस्थानला 20 षटकांत 6 गडी बाद 182 धावाच करता आल्या. आरसीबीचा वेगवान गोलंदाज हर्षल पटेल आजच्या सामन्यात अखेर चमकला. त्याने 4 षटकात 33 धावा देत 3 बळी घेतले, तर राजस्थानकडून देवदत्त पडिक्कलने सर्वाधिक 53 धावा केल्या. जुरेलने शेवटपर्यंत झुंज देत 16 चेंडूत 34 धावांची खेळी केली.
तत्पूर्वी, फलंदाजीसाठी उतरलेल्या रॉयल चॅलेंजर्स बंगळुरूची सुरुवात खराब झाली आणि त्यांचा संघ 15 षटकांत केवळ 189 धावा करू शकला. त्याच वेळी, आरसीबी 200 पेक्षा जास्त धावा करेल असे वाटत होते, परंतु राजस्थान रॉयल्सने शेवटच्या 5 षटकात आरसीबीचे 4 फलंदाज बाद केले आणि त्यांना 189 धावांवर रोखले.
फाफ डू प्लेसिस (62) आणि ग्लेन मॅक्सवेल (77) यांनी आरसीबीसाठी तिसऱ्या विकेटसाठी 127 धावांची भागीदारी केली. राजस्थानकडून ट्रेंट बोल्ट आणि संदीप शर्माने प्रत्येकी दोन गडी बाद केले.
आरसीबीच्या या दणदणीत विजयानंतर चाहते आपापल्या पद्धतीने प्रतिक्रिया देत आहेत.
संबंधित बातम्या