इंडियन प्रीमियर लीग 2023 (IPL 2023) मध्ये फक्त 2 सामने शिल्लक आहेत आणि दोन्ही सामने अहमदाबादच्या नरेंद्र मोदी क्रिकेट स्टेडियमवर खेळले जातील. मुंबई इंडियन्स आणि गुजरात टायटन्स यांच्यात आज (२६ मे) दुसरा क्वालिफायर खेळला जाईल आणि त्याच मैदानावर २८ मे रोजी आयपीएलचा अंतिम सामनाही होणार आहे.
महेंद्रसिंग धोनीच्या नेतृत्वाखाली चेन्नई सुपर किंग्जने आधीच अंतिम फेरी गाठली असून मुंबई आणि गुजरात यांच्यातील दुसऱ्या क्वालिफायरच्या निकालावर दुसरा संघ निश्चित होईल.
गुजरात टायटन्स आणि मुंबई इंडियन्स यांच्यात होणाऱ्या दुसऱ्या क्वालिफायरवर सर्वांचे लक्ष लागले आहे, पण या सामन्यापूर्वी एक व्हिडिओ समोर आला आहे, ज्यावरून अंदाज लावला जाऊ शकतो की आयपीएल 2023 च्या उर्वरित दोन सामन्यांसाठी चाहते किती वेडे आहेत.
या सामन्यासाठी तिकीट खरेदीसाठी चाहत्यांच्या लांबच लांब रांगा लागल्या आहेत.या गर्दीचे काही व्हिडीओही समोर आले आहेत, जे पाहून कोणीही घाबरून जाईल, कारण या सामन्याच्या तिकिटासाठी रांगेत जोरदार मारामारी झाल्याचे पाहायला मिळाले. . या घटनेचा धक्कादायक व्हिडिओ समोर आला आहे.
स्टेडियम व्यवस्थापनाने या चेंगराचेंगरीसाठी योग्य व्यवस्था केली नसल्याचा आरोप चाहते करत आहेत. यावेळी परिस्थिती इतकी अनियंत्रित झाली की पोलिसांना पाचारण करावे लागले. या वेळी धक्का लागल्याने अनेक जण पडल्याचे दिसून आले.
घटनेच्या वेळी, ज्या लोकांनी क्वालिफायर-2 आणि फायनलसाठी ऑनलाइन तिकिटे खरेदी केली होती, ते तिकीट काढण्यासाठी स्टेडियममध्ये पोहोचले होते. त्यामुळे काही वेळातच गर्दी इतकी वाढली की चेंगराचेंगरीसारखी परिस्थिती निर्माण झाली.
संबंधित बातम्या