रॉयल चॅलेंजर्स बंगलोर (RCB) आयपीएल २०२३ त्यांच्या शेवटच्या सामन्यात मुंबई इंडियन्स (MI) ला 6 गडी राखून पराभव स्वीकारावा लागला. या पराभवानंतर आरसीबीसाठी प्लेऑफचा रस्ता कठीण झाला आहे. पण दरम्यान विराट कोहली विराट कोहली आणि त्याची पत्नी अनुष्का शर्मा यांनी मुंबईत आरसीबीच्या खेळाडूंसाठी डिनर पार्टीचे आयोजन केले होते.
या पार्टीला रॉयल चॅलेंजर्स बंगळुरूचे विद्यमान कर्णधार फाफ डू प्लेसिस, मोहम्मद सिराज, जोश हेझलवूड आणि वानिंदू हसरंगा यांच्यासह सर्व खेळाडू आणि कर्मचारी उपस्थित होते. त्याचवेळी या डिनर पार्टीला काही खेळाडू त्यांच्या कुटुंबीयांसह पोहोचले होते.
रॉयल चॅलेंजर्स बंगळुरूच्या मुंबई इंडियन्स विरुद्ध खेळल्या गेलेल्या शेवटच्या सामन्याबद्दल सांगायचे तर, प्रथम फलंदाजी करताना कर्णधार फाफ डू प्लेसिस (65) आणि ग्लेन मॅक्सवेल (68) यांच्या खेळीमुळे बंगळुरूने 199 धावा केल्या. मात्र, आरसीबीच्या गोलंदाजांना या मोठ्या धावसंख्येचाही बचाव करता आला नाही.
मुंबईसाठी सूर्यकुमार यादवने 35 चेंडूत 83 तर नेहल वढेराने 52 धावांची नाबाद खेळी करत संघाला विजय मिळवून दिला. रॉयल चॅलेंजर्स बंगळुरू 11 पैकी 5 सामने जिंकून आणि 6 गमावल्यानंतर गुणतालिकेत 10 गुणांसह सातव्या स्थानावर आहे.
कोलकाता नाइट रायडर्स विरुद्ध राजस्थान रॉयल्स ड्रीम 11 टीम – व्हिडिओ
संबंधित बातम्या