टीम इंडियाचा युवा वेगवान गोलंदाज मोहम्मद सिराज गेल्या काही काळापासून चांगल्या फॉर्ममध्ये आहे. 2023 च्या आयपीएलमध्येही त्याचे चेंडू फलंदाजांची परीक्षा घेत आहेत. भारताचा माजी स्टार वेगवान गोलंदाज आरपी सिंग सिराजच्या चांगल्या कामगिरीने प्रभावित झाला असून त्याने सिराजला जसप्रीत बुमराहची योग्य जागा असल्याचे सांगितले आहे.
37 वर्षीय आरपी सिंग हिंदुस्तान टाईम्स सोबत बोलताना ते म्हणाले, ‘बुमराहऐवजी मोहम्मद सिराजचा संघात नक्कीच समावेश केला जाऊ शकतो. त्याचा आलेख असाच वाढत राहिला तर तो पुढचा मोहम्मद शमी ठरू शकतो, असेही मला वाटते.
तो पुढे म्हणाला की, “मी बऱ्याच दिवसांपासून सिराजला फॉलो करत आहे. जेव्हा तो भारतीय संघात सामील झाला तेव्हा त्याचा आलेख खूप उंचावला होता आणि त्यानंतर तो घसरू लागला. मात्र, यावेळी त्याने अनेक गोष्टींवर काम केल्याचे पाहून बरे वाटते.
महत्त्वाचे म्हणजे, मियां नावाने प्रसिद्ध असलेल्या मोहम्मद सिराजने IPL 2023 मध्ये आतापर्यंत 9 सामन्यांमध्ये 7.37 च्या इकॉनॉमीने धावा खर्च करून 15 विकेट घेतल्या आहेत. उजव्या हाताचा वेगवान गोलंदाज पर्पल केपच्या शर्यतीत पाचव्या स्थानावर आहे.
राजस्थान रॉयल्स विरुद्ध गुजरात टायटन्स ड्रीम 11 टीम – व्हिडिओ
संबंधित बातम्या