सनरायझर्स हैदराबाद (SRH) आणि नाइट रायडर्स (KKR) हे संघ आज कोलकाता येथील ईडन गार्डन्सवर इंडियन प्रीमियर लीग (IPL) च्या 16 व्या आवृत्तीच्या 19 व्या सामन्यात आमनेसामने येतील. आयपीएलमधील दोन्ही संघांची आतापर्यंतची कामगिरी पाहिली तर कोलकाताने हैदराबादविरुद्ध 15 सामने जिंकले आहेत.
दुसरीकडे, SRH ने KKR विरुद्ध 8 सामने जिंकले आहेत. इतकेच नाही तर २०२० पासून सनरायझर्सने ईडन गार्डन्सवर फक्त एकच सामना जिंकला आहे.
चालू मोसमातील केकेआरच्या आतापर्यंतच्या कामगिरीबद्दल बोलायचे झाले तर त्यांनी ३ पैकी २ सामने जिंकले आहेत, तर एका सामन्यात त्यांचा पराभव झाला आहे. अशा स्थितीत नितीश राणाच्या नेतृत्वाखालील संघ 4 गुणांसह गुणतालिकेत चौथ्या स्थानावर आहे.
त्याच वेळी, सनरायझर्स हैदराबादने आतापर्यंत तीनपैकी केवळ एकच सामना जिंकला आहे आणि 2 मध्ये त्यांचा पराभव झाला आहे. हा संघ 2 गुणांसह गुणतालिकेत नवव्या स्थानावर आहे.
संबंधित बातम्या