मुंबई इंडियन्सने (MI) आयपीएल हंगामात आज वानखेडे स्टेडियमवर एक रोमांचक विजय खेचून आणला. मुंबई इंडियन्सचा कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना रॉयल चॅलेंजर्स बंगळुरू (RCB) ने त्यांचा कर्णधार फाफ डू प्लेसिस (65), ग्लेन मॅक्सवेल (68), केदार जाधव (12), दिनेश कार्तिक (20) यांच्या खेळीमुळे निर्धारित 20 षटकात 199 धावा केल्या.
मुंबई इंडियन्सची गोलंदाजीची खराब कामगिरी
मुंबई इंडियन्स (MI) साठी जेसन बेहरेनडॉर्फने 3 षटकात 36 धावा देत 3 बळी घेतले. त्याचवेळी कॅमेरून ग्रीन, ख्रिस जॉर्डन आणि कार्तिकेय कुमार यांना प्रत्येकी एक विकेट मिळाली.
मुंबई इंडियन्स 200 धावांच्या लक्ष्याचा पाठलाग करण्यासाठी मैदानात उतरली
200 धावांच्या लक्ष्याचा पाठलाग करताना मुंबई इंडियन्सचा कर्णधार रोहित शर्मा आज पुन्हा एकदा चांगली खेळी करू शकला नाही. तो केवळ 7 धावा करून पॅव्हेलियनमध्ये परतला, मात्र त्याचा सहकारी ईशान किशनने 21 चेंडूंत चार चौकार आणि चार षटकारांसह 42 धावा केल्या. त्याचवेळी, मधल्या फळीतील तुफानी फलंदाज सूर्यकुमार यादवने 35 चेंडूंत 6 षटकार आणि 7 चौकारांच्या मदतीने 83 धावांची खेळी साकारत मुंबई इंडियन्सला (MI) विजय मिळवून दिला. मधल्या फळीतील डावखुरा फलंदाज नेहल वडेराने 34 चेंडूत तीन षटकार आणि चौकारांच्या मदतीने नाबाद 52 धावा केल्याने मुंबई इंडियन्सने (MI) 16.4 षटकांत 6 गडी राखून सामना जिंकला.
बेंगळुरूचे गोलंदाज असहाय्य दिसत होते
200 धावांचे रक्षण करण्यासाठी रॉयल चॅलेंजर्स बंगळुरूचे गोलंदाज मुंबई इंडियन्सच्या (MI) फलंदाजांसमोर हतबल दिसत होते.वानिंदू हसरंगाने 4 षटकांत 53 धावा देऊन दोन बळी घेतले, तर विजय कुमार विशाकने तीन षटकांत 37 धावा देऊन दोन बळी घेतले. .
संबंधित बातम्या