भारत आणि ऑस्ट्रेलिया यांच्यात जागतिक कसोटी चॅम्पियनशिप (WTC 2023) च्या दुसऱ्या सत्राचा अंतिम सामना 7 जूनपासून खेळवला जाणार आहे. जेतेपदाचा सामना लंडनच्या केनिंग्टन ओव्हलवर होणार आहे. टीम इंडियाला ऑस्ट्रेलियाचा सामना करायचा आहे. भारतीय क्रिकेट नियामक मंडळाने (बीसीसीआय) यासाठी खास योजना आखली आहे.
जागतिक कसोटी चॅम्पियनशिपच्या अंतिम सामन्यासाठी भारतीय क्रिकेट संघ लंडनला रवाना होणार आहे. बीसीसीआयने ट्रॉफी जिंकण्यासाठी खास योजना तयार केली आहे. याला टीम इंडियाचे मुख्य प्रशिक्षक राहुल द्रविडही जबाबदार आहेत. मे महिन्याच्या शेवटच्या आठवड्यात द्रविड संपूर्ण कोचिंग स्टाफसह लंडनला जाणार असल्याचे एका रिपोर्टमध्ये सांगण्यात आले आहे.
इनसाइडस्पोर्टच्या अहवालात दावा करण्यात आला आहे की, राहुल मे महिन्याच्या शेवटच्या आठवड्यात लंडनला जाणार आहेत. एवढेच नाही तर, अहवालात असेही म्हटले आहे की जे खेळाडू आयपीएल 2023 च्या प्लेऑफमध्ये भाग घेणार नाहीत ते द्रविडसोबत लंडनला जातील. बाकीचे खेळाडू आयपीएल संपल्यानंतर संघात सामील होतील. संपूर्ण तयारी शिबिर 1 जूनपासून सुरू होईल, ज्यामध्ये कर्णधार रोहित शर्मा, विराट कोहली आणि संघाचे इतर खेळाडू सहभागी होतील.
अनुभवी फलंदाज चेतेश्वर पुजारा देखील डब्ल्यूटीसी फायनलच्या तयारीसाठी लंडनमधील द्रविडच्या कॅम्पमध्ये सामील होऊ शकतो. पुजारा सध्या इंग्लंडमधील काउंटी चॅम्पियनशिप डिव्हिजन-2 मध्ये ससेक्स संघाचा भाग आहे. 21 मे नंतर काही काळ काउंटी चॅम्पियनशिप सामना होणार नाही, त्यामुळे पुजारा टीम इंडियामध्ये सामील होऊ शकतो.
आयपीएलमध्ये अनुभवी महेंद्रसिंग धोनीच्या नेतृत्वाखाली सीएसकेकडून खेळलेल्या अजिंक्य रहाणेचीही टीम इंडियामध्ये एंट्री होऊ शकते. रहाणे जानेवारी २०२२ मध्ये दक्षिण आफ्रिका दौऱ्यापासून टीम इंडियासाठी खेळलेला नाही. आता तो आयपीएलमध्ये तुफानी फलंदाजी करत आहे. रहाणेने आयपीएलपूर्वी रणजी ट्रॉफीमध्येही धावा केल्या आहेत. त्याचा इंग्लंडमधील अनुभव निवडकर्त्यांवर प्रभाव टाकू शकतो, त्यामुळे निवड समितीने त्याला आयपीएलदरम्यान लाल चेंडूने सराव करण्याचा सल्ला दिला आहे.
संबंधित बातम्या