गुजरात टायटन्स (GT) चा सलामीवीर शुभमन गिलने डोक्यावर IPL 2023 ची केशरी टोपी घातली आहे. चेन्नई सुपर किंग्जविरुद्धच्या अंतिम सामन्यात त्याने 20 चेंडूत 39 धावा केल्या होत्या. यासह, त्याने या हंगामात आपल्या धावांची संख्या 890 वर नेली, जी आयपीएलच्या 16 व्या हंगामात कोणत्याही फलंदाजाने केलेल्या सर्वाधिक धावा आहेत. गिलने 17 सामन्यांत या धावा केल्या आहेत. आयपीएलमध्ये सर्वाधिक धावा करणाऱ्या फलंदाजाला ऑरेंज कॅप दिली जाते.
IPL हंगामात सर्वाधिक धावा करण्याचा विक्रम कोहलीच्या नावावर आहे, 973, जो त्याने 2016 मध्ये रॉयल चॅलेंजर्स बंगळुरूसाठी मिळवला होता. मात्र, एका मोसमात सर्वाधिक धावा करण्याच्या बाबतीत गिल कोहलीनंतर दुसऱ्या क्रमांकावर पोहोचला आहे. शुभमन गिल आयपीएलमध्ये ऑरेंज कॅप जिंकणारा सर्वात तरुण खेळाडू ठरला आहे. वयाच्या 23 वर्षे 263 दिवसात त्याने हा पराक्रम केला. गिलने 2021 मध्ये वयाच्या 24 वर्षे 257 दिवसांत ऑरेंज कॅप जिंकणाऱ्या रुतुराज गायकवाडचा विक्रम मोडला आहे.
शुभमन गिलनंतर आरसीबीचा कर्णधार फाफ डू प्लेसिस या मोसमात सर्वाधिक धावा करणारा फलंदाज आहे. डु प्लेसिसने 14 सामन्यात 730 धावा केल्या. आयपीएलच्या एका मोसमात सर्वाधिक चौकार मारणारा गिल चौथ्या क्रमांकावर पोहोचला आहे. गिलने या मोसमात 85 चौकार आणि 33 षटकार मारले. या यादीत राजस्थान रॉयल्सचा सलामीवीर जोस बटलर १२८ चौकारांसह पहिल्या तर विराट कोहली १२२ चौकारांसह दुसऱ्या स्थानावर आहे. डेव्हिड वॉर्नर 119 चौकारांसह तिसऱ्या क्रमांकावर आहे.
यासोबतच आयपीएलच्या एका मोसमात फिरकीपटूंविरुद्ध सर्वाधिक धावा करण्याचा विक्रम शुभमन गिलच्या नावावर आहे. यादरम्यान त्याने विराट कोहलीलाही मागे टाकले. कोहलीने 2016 मध्ये हा पराक्रम केला होता. गिलसाठी गेले 5 महिने चांगले गेले. त्याने क्रिकेटच्या तिन्ही फॉरमॅटमध्ये एकूण 8 शतके झळकावली आहेत.
संबंधित बातम्या