सध्या देशात इंडियन प्रीमियर लीग (IPL 2023) ची मोठी धामधूम सुरू आहे. या लीगमध्ये भारतासोबतच इतर देशांतील क्रिकेटपटूही सहभागी झाले आहेत. आयपीएलच्या 16व्या पर्वात दररोज एकापेक्षा एक रोमांचक सामने पाहायला मिळत आहेत.
दरम्यान, आयपीएलमधील पॉइंट टेबलमध्ये पहिल्या क्रमांकावर असलेल्या संजू सॅमसनच्या टीम राजस्थान रॉयल्सच्या अधिकृत ट्विटर अकाउंटवरून एक फोटो पोस्ट करण्यात आला आहे, ज्यामध्ये राजस्थान रॉयल्सचे दोन दिग्गज खेळाडू जोस बटलर आणि युझवेंद्र चहल दिसत आहेत. या फोटोवरून चाहते युजवेंद्र चहल आणि त्याची पत्नी धनश्री यांना सोशल मीडियावर प्रचंड ट्रोल करत आहेत.
वास्तविक, फोटोमध्ये बटलर आणि चहल एकत्र आहेत. या फोटोमध्ये बटलर आपल्या मुलीसोबत उभा आहे, तर चहल गुडघ्यावर बसून तिला फिल्मी स्टाईलमध्ये प्रपोज करताना दिसत आहे. चहलने एका हातात फूल आणि दुसऱ्या हातात बटलरचा हात धरला आहे. त्याच्या या कृत्यामुळे युजवेंद्रला त्याच्या चाहत्यांनी सोशल मीडियावर प्रचंड ट्रोल केले आहे.
हा फोटो व्हायरल झाल्यानंतर सोशल मीडियावर मीम्सचा पाऊस पडत आहे. या फोटोवर अनेक मीम्स व्हायरल होत आहेत. लोक धनश्री चहलला या फोटोबद्दल ट्रोल करत आहेत आणि मजेदार मीम्स पोस्ट करत आहेत.
संबंधित बातम्या