इंडियन प्रीमियर लीग (IPL 2023) च्या 16 व्या हंगामातील पहिल्या क्वालिफायर सामन्यात, मंगळवारी गुजरात टायटन्स (GT) चेन्नई सुपर किंग्ज (CSK) चे सामने झाले. या सामन्यात आज टीव्हीवर दिसणार्या स्कोअरबोर्डमध्ये एक मोठा बदल करण्यात आला, जेव्हा गोलंदाज डॉट बॉल टाकतो तेव्हा डॉट ऐवजी झाड दिसते. यानंतर बीसीसीआयची यामागे मोठी योजना असल्याचे समोर आले.
याबाबतची एक पोस्ट सध्या सोशल मीडियावर व्हायरल होत आहे. या पोस्टमध्ये म्हटले आहे की, बीसीसीआयने आयपीएलच्या 16 व्या हंगामातील प्ले-ऑफमध्ये टाकलेल्या प्रत्येक डॉट बॉलसाठी 500 झाडे लावण्याची योजना आखली आहे. सूत्रांनी ही माहिती दिली आहे, त्यामुळे प्ले-ऑफ सामन्यात जेव्हा गोलंदाजाने डॉट बॉल टाकला तेव्हा त्या ठिकाणी झाडाचे चित्र दिसते.
नाणेफेक जिंकून प्रथम गोलंदाजी करताना गुजरात टायटन्सने चेन्नई सुपर किंग्जला 20 षटकांत 7 बाद 172 धावांवर रोखले. रुतुराजच्या 60 धावांच्या जोरावर चेन्नईची सुरुवात दमदार झाली. त्याला डेव्हॉन कॉनवे (40) याचीही चांगली साथ लाभली, मात्र तो बाद झाल्यानंतर चेन्नईचा डाव ठप्प झाला. गुजरातकडून मोहित शर्मा आणि मोहम्मद शमीने चांगली फलंदाजी करत प्रत्येकी दोन गडी बाद केले.
संबंधित बातम्या