इंडियन प्रीमियर लीग (IPL) च्या 16 व्या आवृत्तीसाठी आता फक्त 2 दिवस उरले आहेत. पण स्पर्धा सुरू होण्यापूर्वीच चेन्नई सुपर किंग्जला (CSK) मोठा धक्का बसला. अष्टपैलू बेन स्टोक्सच्या डाव्या पायाच्या गुडघ्याला दुखापत झाली आहे. मीडिया रिपोर्ट्सनुसार, स्टोक्स आयपीएलच्या सुरुवातीच्या सामन्यांमध्ये फक्त फलंदाज म्हणून खेळणार आहे.
खरं तर, गेल्या महिन्यात न्यूझीलंड दौऱ्यावर, इंग्लंडचा कर्णधार बेन स्टोक्सच्या गुडघ्याची जुनी दुखापत भडकली होती, ज्यामुळे त्याने दोन कसोटीत फक्त नऊ षटके टाकली होती. मालिका संपल्यानंतर स्टोक्सने स्वतःला गुडघ्याचा त्रास होत असल्याचे मान्य केले.
चेन्नई सुपर किंग्जचे फलंदाजी प्रशिक्षक मायकेल हसी espn cricinfo सोबत बोलताना तो म्हणाला, “मला वाटते की तो फलंदाज म्हणून खेळण्यास तयार आहे. आम्हाला गोलंदाजीची वाट पाहावी लागेल. इंजेक्शन मिळाल्यानंतर काल (रविवारी) त्याने हलकी गोलंदाजी केली. स्टोक्सने ‘कॉर्टिसोन इंजेक्शन’ घेतले आहे, ज्याचा उपयोग दाह कमी करण्यासाठी केला जातो.
ते पुढे म्हणाले, “सीएसके आणि ईसीबीचे डॉक्टर एकत्र काम करत आहेत. सुरुवातीच्या सामन्यांमध्ये तो (स्टोक्स) जास्त गोलंदाजी करणार नाही. आशा आहे की आम्ही त्याला स्पर्धेच्या काही भागात गोलंदाजी करण्यास सक्षम होऊ.”
डिसेंबर 2022 मध्ये झालेल्या IPL लिलावात CSK ने 31 वर्षीय बेन स्टोक्सला 16.25 कोटी रुपयांना खरेदी केले होते. त्याच वेळी, स्टोक्सने आधीच सांगितले आहे की तो आयपीएल फायनलपूर्वी मायदेशी रवाना होईल, कारण त्याला 1 जूनपासून सुरू होणारी आयर्लंडविरुद्धची कसोटी आणि 16 जूनपासून ऑस्ट्रेलियाविरुद्धच्या ऍशेस मालिकेची तयारी करायची आहे.
आयपीएलमध्ये जिंकण्यासाठी कॅपिटल्स निघून जातात – VIDEO
संबंधित बातम्या